Alur Álvinnsla er staðsett í iðnaðarsvæðinu á Grundartanga. Fyrirtækið var stofnað í Helguvík árið 1998 og hefur starfað á núverandi starfsstöð á Grundartanga síðan 2012.
Meginstarfsemi okkar er endurvinnsla áls úr álgjalli og brotaáli, bæði frá frumframleiðslu og öðrum álríkum efnisstraumum. Vinnslan fer fram með bestu fáanlegu tækni (BAT) og byggir á lokuðu ferli: saltkakan sem myndast við endurvinnsluna er endurunnin og áfram nýtt í öðrum iðngreinum, sem lágmarkar úrgang á öllum stigum framleiðslunnar.
Alur starfar samkvæmt starfsleyfi útgefið af Umhverfisstofnun sem heimilar vinnslu á allt að 15.000 tonnum af álgjalli og öðrum álríkum efnum árlega. Starfsleyfið gildir til 2038 og er aðgengilegt á ust.is.
Markmið okkar er að endurheimta og endurvinna ál eins hagkvæmt og mögulegt er, og stuðla þannig að hringrásarhagkerfi og lægra kolefnisspori í álíðnaðinum. Ál hentar einstaklega vel til þessa: það má endurvinna endalaust án þess að tapa gæðum eða eiginleikum, og krefst endurvinnsla aðeins brot af þeirri orku sem þarf til frumframleiðslu.
Árið 2023 tókum við í notkun nýjan búnað til að endurvinna saltköku og gjallsand sem falla til við endurvinnslu álgjalls. Búnaðurinn hefur afkastagetu upp á 4 tonn á klukkustund, sem gerir okkur kleift að lágmarka úrgang enn frekar og auka endurheimtur verðmætra efna úr framleiðsluferlinu. Efnin sem áður fóru til förgunar eru nú seld áfram til endurnýtingar hjá samstarfsaðilum okkar.
Ál má endurvinna endalaust.
Nær 75% af öllu áli sem framleitt hefur verið er enn í notkun.
Það þarf allt að 95% minni orku til að endurvinna ál en að framleiða frummálm.
Ál er þriðja algengasta frumefnið í jarð-skorpunni - aðeins súrefni og sílikon eru til í meira magni.
Eitt tonn af endurunnu áli sparar um tvö tonn af súráli og 1,65 tonna losun koltvísýrings (CO 2).
Endurvinnsla áls dregur úr losun gróðurhúsalofttegunda.
Ál hefur þá sérstöðu að það má nýta aftur og aftur án þess að það tapi upprunalegum eiginleikum sínum. Einungis þarf um 5% af orkunni sem fór upphaflega í að framleiða álið til að endurvinna það.
Það þýðir að mikil verðmæti leysast úr læðingi við endurvinnslu álsins og færir það stoðir undir rekstur endurvinnslufyrirtækja víða um Evrópu.
Þá dregur orkusparnaður vegna endurvinnslu áls verulega úr losun gróðurhúsalofttegunda, enda verður almennt mest losun frá orkuvinnslunni við framleiðslu áls í heiminum.
#endurvinnumálið
Nánar
Framtíðarsýn eru að fullvinna allt efni á staðnum og endurnýta það innanlands.
Þann 11. Maí.2022 skrifuðu eigendur Þróunarfélags Grundartanga og fyrirtækin sem starfa á Grundartangasvæðinu undir viljayfirlýsingu um uppbyggingu græns iðngarðs með hringrásarhugsun á Grundartanga og fór viðburðurinn fram hjá Norðuráli á Grundartanga. Í uppbyggingunni felst að mótuð verður fyrirmyndar sjálfbærniumgjörð fyrir svæðið og unnið að uppbyggingu hringrásarhagkerfis með bættri fjölnýtingu auðlinda og innviða. Verndari verkefnisins er Guðlaugur Þór Þórðarson, umhverfis-, orku- og loftslagsráðherra.
Lágmörkun umhverfisáhrifa og aukin hagsæld.